КТ.мн

Үүнийг уншиж байгаа та Х.Уэлсын “Үл үзэгдэгч хүн” зохиолыг уншиж байсан бол түүн дээр биетүүд хэрхэн гэрлийг ойлгохоо байж, гэрлийг өөрөөрөө шил адил нэвтрүүлэх талаар үл үзэгдэгч болсон эрдэмтний сонирхолтой тайлбарын хэсэг байдгийг санахыг юуны өмнө зөвлөмөөр байна. Учир нь нэгэн хачирхалтай гэмээр зүйлийн талаар бичих гэж байна.
Зураг дээр үзүүлснийг хараад гайхахгүй байх арга алга. Гэвч одоо үед “юм хөгжинө өө” гэдэг болоод энүүхнийг зураг, видеон дээр хийхэд юу байхав гэж ч тайлбарлаж болох юм.
Гэхдээ та түр хүлээгээд доор бичсэн зүйлс болоод бичлэгийг үзсэнийхээ дараа дүгнэлтээ хийгээрэй. Хэрэв энэ “үнэн” бол их сонирхолтой юм. Үүнийг тайлбарлаж буй эрдэмтдийн тайлбарыг хялбархнаар ойлговол метаматериал хэмээх нэгэн төрлийн материал байх бөгөөд үүний шинж нь маш өвөрмөц, өөрөөр хэлбэл зурагт үзүүлсэнчлэн ямарваа нэгэн гэрэл нь уг материалын гадаргууг тойрч (нэвтрэхгүй) маш нарийн муруйдаг гэнэ. Энэ нь тэрхүү материал дотор буй биет дээр гэрэл ойхгүй гэсэн үг болж таарч, зөвхөн ойсон гэрлийг л олж хардаг бидний нүд метаматериал дотор буй биет дээр гэрэл тусаагүй тул олж харахгүй нь ээ гэж ойлгож болох нь ээ. Үүний жишээ болгож усанд шулуун биетийг хийхэд хэрхэн өөрөөр харагддаг талаар тайлбарласан байна.
Гэвч ус гэх мэт нь гэрлийг хугалдаг боловч дээр хэлсэн метаматериалд тооцогддоггүй. Байгаль дээр гэрлийг шууд тусгалаар хугалдаг, харин урвуугаар бидний мэдэх линз, дээр дурдсан метаматериал гэх зэрэг л хугалж чаддаг гэнэ. Хэрэв эдгээр нь үнэхээр үнэн бол энэ материалын хэрэгцээ зөвхөн “Harry Potter” киноны хэсгээр ч хязгаарлагдахгүй, цэрэг, армийн салбарт томоохон давуу талыг бий болгоно гэдэгт эргэлзэлтгүй болох юм.

Wireless USB/ USB 3.0		Найман дугуйтай цахилгаан хөдөлгүүрт автомашин