КТ.мн

Google Android нь Google-ээс гаргасан шинэлэг бүтээгдэхүүн бөгөөд зөвхөн НТС болон бусад олон гар утсанд ашиглах боломжтой, Линукс дээр суурилсан үйлдлийн систем юм.  Линукс 2.6 кернел суурьтай, С/C++ хөрвүүлэгчид, SQLite мэдээллийн баазтай г.м суурь нь хүчтэй бөгөөд энд ашиглагдах үндсэн функц нь Java дээр хийгдсэн.  Хөгжүүлэгчид Google Android дээр Application бүтээгдэхүүнүүдийг олноор гаргаж байна.

Мэдээллийн технологий үндэсний парк Android Market дээр гар утасны програм байрлуулан амжилттай ажиллаж байна. Энэ ажлын хүрээнд судлаач Б.Батчулуун Android  Application –д суурилан PoliceLight, LeafCompass програмуудыг бүтээж хөгжүүлэлтийг хийж байна.

PoliceLight програмын танилцуулга

Энэхүү  програм нь цагдаагийн дуут дохио болон гэрэлтүүлгийг ахуйн нөхцөлд тоглоом зугаа маягаар хэрэглэхэд тохиромжтой ба тус програмыг татаж авсан хэрэглэгчдийн сэтгэл ханамж маш өндөр байна.

Програм нь Java хэл дээр бичигдсэн бөгөөд гэрэлтүүлэг, дуут дохионы олон сонголттой мөн нэмэлт боломжуудтай.

Тухайн програмыг 2009 оны 11 сарын 12-нд  Android Market дээр үнэгүй байрлуулсан ба 2009 оны 11 сарын 14 өдрийн байдлаар 77670 удаа татагдсан байна.

PoliceLight програмд хэрэглэгчдийн өгсөн үнэлгээний статистикийг доор үзүүллээ.

LeafCompass програмын танилцуулга

Энэхүү  програм нь ертөнцийн зүг чиг заагч програм ба зүг чигийг англи монголоор хэлдэг.

Зураглалын хувьд хэрэглэгчийн сонирхол татах үүднээс усан дээр навч байрлуулж, дээр нь зүү тавьсан ба энэ нь амьдралаас сэдэвлэсэн учраас сонирхол татахуйц болж чадсан.

Програм Java хэл дээр бичигдсэн ба байгалийн дуу чимээ сонсогдох бөгөөд сонирхолтой болгох үүднээс шавьж, амьтад нисэж байгаагаар бүтээсэн. Програмын дууг хаах, нээх болон нэмэлт сонголтуудтай.

Тухайн програмыг 2009 оны 11 сарын 12-нд  Android Market дээр үнэгүй байрлуулсан ба 2009 оны 11 сарын 14 өрийн байдлаар 639 удаа татагдсан байна.

LeafCompass програмд хэрэглэгчдийн өгсөн үнэлгээний статистикийг доор үзүүллээ.

Android ба Хөгжүүлэгчид		PlayStation 3 ба Ubuntu