КТ.мн

Өчигдөр буюу Бямба гаригийн орой дуртай юмаа хийж баахан кайф авлаа. Өөрөөр хэлбэл эртнээс бодож байсан зүйлээ хийсэн хэрэг л дээ. Надад нэг PlayStation 3 байдаг юм. Тоглоом нь үнэтэй болохоор тэр болгон авч чадахгүй тул зүгээр л хэвтэж байдаг гэх үү дээ. Бас Blue-Ray кино монголд бараг байхгүй болохоор ашиглалт байхгүй. Гэхдээ интернэт дээрээс Ubuntu суулгаж болдог тухай олж уншсанаас хойш үүнийг хийж үзэхийг хүсээд л яваад байсан юм. Завдал болохгүй нилээд удсан.

Тэгээд ажил дээр байсан Ubuntu 9.04-ийн install дискийг авчраад суулгаж үзэхээр боллоо. Баасан гариг л даа. Тэгсэн PS3-ийн System Settings рүү орсон чинь Install Other OS гээд цэс байна аа. Орчуулалба Өөр ҮЙЛДЛИЙН СИСТЕМ суулгах гэх юмуу даа. Түүн рүү орсон чинь PS3-ийн хатуу дискийг форматлаж өөр үйлдлийн систем суулгах тусгай Partition гаргах ёстой гэж байна. Уухайн тас за л гэлээ. Тэгээд Formar Utility цэс рүү орж Quick Format хийчихлээ. Хэт их яарснаас болоод хэдэн тоглоомын Save байсныгаа тэр чигт нь хусаад хаячихлаа. Дүүрч ээ дүүрч. GTA IV, Devil May Cry 4, FallOut 3, Army Two, Assassins Creed гэх мэт нилээн хэдэн тоглоомын Save байсан юм.

Тэгээд форматлаад "Өөр үйлдлийн системд зориулж 10GB-ийг бэлдэх" гэсэн сонголтыг хийж бэлтгэлээ. Минийх 80GB-ийн багтаамжтай л даа.

Ингээд дахин Install Other OS цэс рүүгээ орсон боловч суулгах үйлдлийн систем алга гэх юм. Ингээд л тэр өдрийн ажил дуусаа.

Маргааш нь буюу Бямба гаригт ажил дээрээ очиж байгаад судалж үзлээ. Тэгсэн Ubuntu-ийн install дээр нэмж 1, 2 файл нэмдэг юм байна. Тэрийг нь PS3 нь таньж авдаг бололтой. Тэгсэн угаасаа над мэт шиг туршлагагүй хүмүүст зориулаад бэлэн iso файл байна аа. Тэрнийг нь татаж аваад CD дээр задлаад биччихлээ. Хаширлаад 9.10 болон 8.10 гэсэн 2 хувилбарыг хоёуланг нь татаж аваад бичсэн юм. Нэг нь л 600-700MB том файлууд л даа. (Ингэж хаширласан нь тун зөв болсон доо)

9.10 гэдэг нь Ubuntu-ийн хамгийн сүүлд гарсан шинэ хувилбар юм.

Тэгээд гэртээ ирэхдээ бас л хаширлалаа. Би чинь олон жил програмист хийсэн, дээр нь олон жил компьютертай ноцолдож байгаа болохоор тооцоолоогүй зүйл гарахыг сайн мэднэ. Тэгээд ч PS3 болон Ubuntu хоёр чинь хоорондоо нийцгүй, хүчээр нийлүүлж байгаа шүү дээ. Ингээд юмыг яаж мэдэхэв гээд ажлын компьютерийнхаа USB гар, notebook-ээ G-Mobile-ийн EVDO модемын хамт авлаа. Өөрөөр хэлбэл элдэв юм болвол интернэттэй байх гэж тэр шүү дээ. (Бас л хэрэг болсон)

Гэртээ ирэнгүүтээ л 9.10 CD-ээ хийгээд уншууллаа. Шинийг нь суулгачих санаатай. PS3 уншиж байна аа. Гялс нэг юм уншаад Restart хийж байна. Бас интернэт дээр байсан зааврын дагуу PS3 дээрээ "Өөр үйлдлийн системээр эхлүүлэх" гэсэн сонголтыг хийлээ. Ингээд унтарч ассаны дараа царай муутай пингвиний зураг гарч ирээд тэс өөр DOS шиг л командууд гарч ирж байна. Нөгөө  сайхан PS3-ийн тансаг интерфэйс байхгүй шүү.

За ингээд л асуудал эхэллээ дээ. Бараг 4 цаг гаруй ноцолдсон. Ubuntu чинь командын мөрөөр явдаг юм байна. Тэр командуудыг нь мэдэхгүй болохоор тэгээд л таг. Гарч байгаа текстүүдийг нь анхааралтай унших хэрэгтэй юм билээ. kboot: гэж гарч ирээд л курсор анивилзчихна. Тэгэхээр ямар нэг юм бичиж Enter дарах хэрэгтэй болж байгаа биз. Тэгсэн Install хийхийн тулд Install эсвэл Expert гэж бичих ёстой гэдгийг арай чүү ялгаж уншлаа. Тэгээд эхний удаад Install хийгээд явсан юм. Хэлээ асуугаад, орноо сонгоод, цаг хугацаагаа тааруулаад, install-оо хийгээд их дажгүй явж байлаа. Гэтэл Select Software гэдэг юм нь гүйж байснаа 6% дээр очоод гацчихсан. 20-оод минут хүлээгээд нэмэргүй. Тэгээд л нөгөө CD-ээ хийгээд л 8.10-аа ч хийгээд л түмэн янзаар л үзлээ. 9.10 нь угаасаа болохгүй, 8.10 нь нөгөөх дээрээ очоод дахиад л гацчихна! 9.10 нь live CD ч гэнэ үү, тэгсэн "Live CD-нээс хэрхэн суулгах вэ" гээд асар нарийн заавар бүхий guide байгааг сүүлд олж харсан. Live CD гэдэг нь шууд CD дээрээсээ ажилладаг Ubuntu юмуу даа.

Тэгээд арга ядаад байснаа гэнэт Expert сонголт байсныг саналаа. Тэрүүгээр нь туршаад үзэхээр шийдсэн юм. Тэгсэн Expert нь маш олон задалж элдэв юм асууж байна. Заримыг нь сайтар уншиж байгаад заримыг нь зүгээр л таамгаар сонгосоор байгаад яваад дуусгалаа. Бурхан минь гэж.. Гэхдээ бас 2 дахиж явсан даа.

Интернэт дээр хүмүүсийн бичсэн байсан шиг Ubuntu суулгахад их хэцүү, их уддаг гэж байсан нь аргагүй үнэн юм билээ.

Тэгсэн асуудал дуусаагүй л байна лээ. Эхлүүлээд орсон боловч DOS-ийн орчин шиг л орчинд ороод байх юм. Нөгөө сайхан график интерфэйс хаачсан бэ? Бүү мэд.

Тэрлүүгээ яаж орох юм бол?? Тэгээд л help гэж бичээд командуудыг нь харсан боловч мэдэх юм нэг ч алга. Exec гээд нэг байна аа. Тэрийг нь бичээд ямар ч нэмэргүй.

Гайхшаа бараад notebook дээрээ дахин очиж гадаадын форумууд харлаа. Ашгүй над шиг байдалд орсон нэг нөхөр бичсэн байна. Тэгсэн түүнд нь хариулжээ. Бурхан минь аймшигтай сонин код бич гэсэн байгаа юм даа. Та тэр кодыг харах уу?

Тэгсэн би түлхүүр үгээ зөв сонгож чадахгүй болохоор буруу хайгаад хий дэмий баахан тэнэсэн. Бараг цаг гаруй тэнэсэн дээ.
-PS3 Ubuntu convert to graphic
гэх мэтээр хайсан болохоор тэр шүү дээ.

Тэгж тэгж миний одоо байгаа хэсэг бол Shell гэдэг, энэ нь график интерфэйсгүй яг л DOS шиг интерфэйс юм байна гэдгийг ойлголоо. Бас одоо бол хайлт хийхдээ PS3 гэдэг үг оруулаад хэрэггүй юм байна, энэ бол зөвхөн Ubuntu-тай холбоотой асуудал юм гэдгийг гадарлалаа. Тэгээд дээрээс нь нэмж миний хүсээд байгаа график орчныг GUI (Graphic User Interface) гэдэг юм байна гэдгийг мэдэж авлаа.

Ингээд л Swich from shell to gui гэдэг бичлэг бүхий форум олсон юм. http://ubuntuforums.org/showthread.php?t=703835 хаяг дээр байгаа.

Хариулт:
Did you install the server version? If you did, then you need to install a desktop so you would have GUI. (Та сервер хувилбарыг суулгасан юм уу? Тэгвэл GUI ашиглахын тулд Desktop-ийг суулгах хэрэгтэй)

sudo apt-get update
sudo apt-get install ubuntu-desktop
sudo dpkg-reconfigure xserver-xorg
sudo /etc/init.d/gdm start

Өөрөөр хэлбэл би Expert горимоор явж байхдаа тэрхүү Desktop-ийг нь алгасчихсан бололтой. Тэгэхээр одоо Desktop суулгах ёстой болж байна. Аймаар командууд байгаа биз. Үүнийг хэрхэн цээжлэх билээ. Тэгээд цаасан дээр харж бичиж байгаад PS3 дээрээ очин эхнээс нь бичлээ.

sudo apt-get update бичээд Enter дарахад нилээн юм гүйж байснаа суулгахад бэлэн болж байгаа бололтой. Дараагийн мөрийг бичээд Enter дарсны дараа "Та график суулгах гэж байна. Үүнд 2GB гаруй зай хэрэгтэй гэж байна." Yes гээд л Enter дарлаа. Ёстой түмэн юм гүйсэн дээ. Бараг цаг гаруй гүйсэн байх. ТВ-ээ үзэж байгаад HDMI дээр тавиад харахад л явж л байна. Аймаар. Битгий гацчихаасай л гэж залбирч байлаа. Тэгж тэгж нэг юм дууслаа. Үлдсэн 2-ыг нь бичээд л Enter дарсны дараа нөгөө үзэсгэлэнтэй Ubuntu-ийн өнгөлөг шар дэлгэц гараад ирлээ. Бас их гоё дуу дуугарч байна. "Баяр хүргэе! чи суулгачихлаа", гэж форумуудын төгсгөлд бичсэн байсан шиг л юм боллоо доо.

Ubuntu их гоё юмаа. Firefox, Мэйлийн програм, чат, видео тоглуулагч, жижиг тоглоомууд, openoffice зэрэг хэрэгцээт програмууд бүгд бэлэн суучихсан. Тэгээд бас бүх техник хангамж, дэлгэц зэргээ өөрөө таниад бүгдийг нь тохируулчихсан байх юм. Ёстой гайхалтай. Миний дэлгэцийн нягтрал 1688x964 (16x9) гэсэн харьцаатай байналээ.

Ингээд л дажгүй гоё компьютер гэрт гэнэт гараад ирдэг байна шд. Одоо гэрт notebook байлгах шаардлагагүй боллоо.

Миний дараагийн хийх алхам бол гэртээ байнгын интернэт сүлжээтэй болох. (Манай байранд хараахан ороогүй байгаа юм) Түүнийгээ PS3-таа холбоод л дэлхийтэй холбогдоно доо. (Үүнийг хийхээрээ дахин бичнэ ээ.)

Харин нэг асуудал гарсан нь эргээд яаж PS3 руугаа орох вэ? Одоо бол асаагаад л шууд Ubuntu ажиллачихна. Тэгсэн kboot: boot-game-os гэж бичих ёстой гэнэ. Даанч тэрийг нь бичихээр Error Can't change boot гэсэн алдаа гараад байх юм. Тэгсэн энэ алдаа бас гардаг бололтой. Ашгүй нэг залуу бичсэн байна.
fixed it...
for those that this could help though...
cycle power first (turn off switch on back for 2 minutes, turn back on), then hold power button force loading ps3 os. that should do the trick.
Миний ойлгосноор "араар нь унтраагаад 2 минут хэртэй бол. Тэгээд эргээж асаа. Гэхдээ асаадаг товчоо дарсан чигээрээ байгаарай. Тэгвэл PS3-ийн үйлдлийн систем ажиллах болно" гэжээ. Одоо очиж үзнэ дээ. Тэгээд BioShock гээд тоглоомоо үргэлжлүүлж тоглоё байз. Энэ бол аймшиг, адал явдал, буудалцаан, сэтгэн бодох, нууцлаг зүйлсийн учрыг олох, амьд үлдэх гэх мэт олон төрөл жанрыг хослуулан үнэхээр гайхамшигтай мундаг тоглоом байна лээ. Тоглож дууссаны дараа солих хүн байвал захиалгаа өгөөрэй хө..

Google Android дээрх монгол програмууд		Windows-ийг хая хая хая... Гэхдээ хашир байсан нь дээр.