КТ.мн

Би өөрийн хувийн туршлагаас хэдхэн зүйл хэлмээр санагдлаа. Энэ нь миний хувийн гэхээсээ бидний нийтлэг замнал гэж бодож байна. Мэдээж Microsoft үйлдлийн системээс өөрийг мэдэхгүй Microsoft, Borland-ийн хөгжүүлэлтийн орчингоос өөрийг хэрэглэж үзэхгүй олон жил явсандаа. Дараа нь аажмаар сервер талын хөгжүүлэлттэй холбоотой Unix/Linux үйлдийн системтэй багахан холбогдож байв. Харин сүүлийн хэдэн жил ажлын шаардлага хувийн хобби зэрэгцээд цэвэр C дээр Unix/Linux дээр ажиллах олон програм хийсээн... Тухайлбал нэг програм нь одоо Японы кибо олон улсын сансрын станц дээр ажиллаж байгаа.

Төгсгөлд нь бодоход үйлдлийн систем хэрхэн ажилладагийг яг жинхэнээсээ ойлгох гэж бараг 15 жил зарсан бололтой. Урьд нь үйлдлийн системийн онол уншиж байсоон. Гэхдээ тэр нь өнгөцхөн ойлголт байждээ. Эцэст нь энэ бүхнийг надад ойлгуулсан зүйл нь GNU/C хэл Линукс үйлдлийн систем байв. Гэтэл Си хэлийг үнэндээ би хамгийн эхэнд л хальт үзээд дараа нь элдэв төлбөртэй гэгдэх Microsoft, Borland-ийн аврага аврага орчнуудыг хэрэглээд явчихсанаас болсон мэт санагддаг. Уг нь дараалал нь эсрэг байсан бол хичнээн зөв байх байв хичнээн жил хэмнэх байв гэж боддог юм. GNU C, GNU Linux-ийг манай их дээд сургуулиуд одоо заадаггүй байх гэж бодож байна.

Яг одоо би Mac OS X хэрэглээд түүн дээрээ виртуаль байдлаар Windows, Linux, FreeBSD гэх мэт хэд хэдэн үйлдлийн систем суулгаад хэрэглэж байна. Mac OS X дээр хөгжүүлэлт хийгээд эхлэхэд урд нь би Линукс сурчихсан тул хүндрэлтэй асуудал огтхон ч гараагүй. Windows хөгжүүлэлт хийх хэрэгтэй болбол бас л виртуаль машин дээрээ хийчихнэ гэх мэт... Microsoft-той аятайхан яриад хямд хэрэглэх тухай ярьж байгаа бол Apple-тай аятайхан ярих тухай яригдах ёстой. Олон төрлийн орчинд хөгжүүлэлт хийх шаардлага гардаг хөгжүүлэгчид мөнгөө хэмнэх гэж Макинтош авдагаар бодоход бодох асуудал. Ерөнхийдөө MS Office л бидэнд гол асуудлыг үүсгэж байна. Их дээд сургуулиуд дотоод үйл ажиллагаандаа MS Office хэрэглэх бол ямар ч асуудалгүй. Харин оюутнуудыг MS Office дээр юмаа хийж ир гэж шаардах буюу сургалтандаа MS Office хэрэглэхийг шаардах бол ондоо асуудал. Үнэндээ сургалтанд MS Office ерөөсөө хэрэглэхгүй LaTex, HTML, PDF гэх мэт форматыг шаардаж яагаад болохгүй билээ. Ингэвэл OpenOffice, MS Office, iWork гэх мэтийн алийг нь ч хэрэглэхгүй биш үү?

PS3-ыг хакдек гээд барсангүй дээ		Үүрэн холбооны тухай нэг хүснэгт